Positive sinergie in prospettiva tra Amministrazione comunale udinese ed il Fogolâr Civic per un sano rafforzamento inclusivo della friulanità storica di Udine, intesa come cultura territoriale di raccordo delle molteplicità insediate.

Cordialissimo e costruttivo incontro, a Udine, a Palazzo Morpurgo, giovedì 1°agosto 2024, tra la delegata comunale udinese alla lingua friulana ed al plurilinguismo dott.ssa Stefania Garlatti-Costa e l’ideologo del fogolarismo civico locale prof. Alberto Travain, promotore dell’unico, ultratrentennale, movimento civista culturale udinese di matrice friulanista: il Fogolâr Civic, che raccoglie anche le trascorse esperienze di “Parlament del Patrie dal Friûl” (1991) oltreché del Circolo Universitario Friulano “Academie dal Friûl” (1994) e, a seguire, del Coordinamento Civico Udinese “Borgo Stazione” (2003), poi distinguendosi come promotore del rifondato Arengo cittadino (2015). Un incontro volto alla ricerca di sinergie virtuose nella direzione di un rafforzamento o, per meglio dire, di un rinnovamento della friulanità udinese in termini inclusivi, come naturale raccordo comune delle differenze di una località. A testimonianza dei temi argomento di discussione, il prof. Travain ha depositato, in buona “marilenghe”, presso il Protocollo municipale lungo “promemorie” indirizzato “Al bon acet de conseire dal Comun di Udin dot.e Stefania Garlatti-Costa delegade comunâl su furlan e varietât di lenghis alì dal Ufici pe Lenghe Furlane (Cancelarie Furlane) in Contrade Savorgnane n.r 12 tal Palaç Morpurc / Par che al sepi: al Sindic di Udin li dal so recapit”. Questo il contenuto testuale: “Preseade, si fâs culì note di ce che al è vignût fûr tal gradît incuintri di îr, 1n di Avost 2024, in Palaç Morpurc, tra Jê, delegade su la identitât pal Comun di Udin, e jo, puartevôs dal unic moviment civist culturâl furlanist “sitadin” condurant di passe 30 agns sot l’Agnul dal Cjiscjel. In particolâr, jo mi soi permetût di conseâ il Comun di cjapâsi l’assum di une politiche sociâl linguistiche a pro dal furlan – no “a” ma “di” Udin – indulà che chest nol sedi passât par une des tantis varietâts che a son te societât di Udin di cumò ma par chê inclusive, che e tire dongje e e fâs comunitât te misure locâl, sicu testemoneance carateristiche naturâl e neutrâl de liende de Umanitât insedade in chest puest, cence dismenteâ dal dut la marche identitarie furlane storiche “sitadine”, uniche reson par un ricognossisi di Udin furlan cul so trat e no sôl capitâl di un Friûl di chei altris. Par no che si imponi une furlanetât di fûr, magari rivalse di paîs o pûr lamie identitât standard. E mi soi permetût di considerâ che il furlan, vuê, no badant lis cjacaris, dopo cetante tutele istituzionâl, nol è par nuie plui lenghe sociâl ordenarie de int, massime in stât e intune slargjade contadinance incitadinade: mancul di mancul te zoventût: e un tant pal fat che il furlan nol à passepuart sociâl culturâl pacific tal cjâf de plui part dal popul. Di chê strade, alore, o ai soflât sul studi e su la promozion di un pat o ben galateu linguistic che al meti pâs tra viodudis diviersis dal argoment e al puedi formâ une mentalitât che e si meni daûr plui serenitât e armonie di compuartaments su chel pont alì, concretant dabon chel spazi vitâl di considerazion e di acet che cence di chel il furlan al va al mancul de vite sociâl, culturâl, economiche e politiche di vuê intun Udin e ancje no dome. E po fâ cognossi, propagandâ pardabon, che, par leç, la int e pues conferî cul Comun par furlan, a vôs o par scrit, presentant istancis e spietant rispuestis: o ai sigurât che su chest pont supuart dal moviment fogolarist civist, storic, râr e isolât sostignidôr e praticant di un tant. O ai marcât che la adesion ae lenghe e risulte dificil cence si insedi tal imagjinari golôs di une prospetive e di une lidrîs e cence che si basi suntun sens civic ancje culturâl di compartizion tra citadins. E si à concuardât juste sul smirâ ai zovins, però jo o ai dit no sôl cun spetacui che in cualchi maniere ju rindin passîfs. Par movi i zovins, la mularie, o ai batût che al sarès util di misturâ une biele goliardie cul orgoi di une storie e di une lenghe dal lûc adotadis par scusis di unî il lûc istès e fândi misure di comunitât. La robe e funzione: sperimentât a scuele! O ai puartade la esperience dai repertoris di cjantosis civichis dal moviment fogolarist di Udin butulât de Academie dal Friûl, cjantosis di rivoc di une storie e di valôrs civiscj inlidrisâts insot, za sperimentadis cun sucès tes scuelis in citât e fûr. Un tant al clame la creazion di contescj espressîf motivâts là che chês cjantosis a deventin no sôl spetacul ma fat di cussience e braure di classis, di teritoris e citadinancis. Si ricuardin storichis manifestazions fogolaristis tant che il Carnevâl civic studentesc in ricuart de Joibe Grasse o ben la Fluride scolastiche beltramine rivoc di Beltram, Patron laic uficiâl dal Comun di Udin, paladin di democrazie partecipadore oltri che di studi e universitât. Par fâ incressi motîf e braure ma ancje pratiche e competence te zoventût sul furlan prospetant une formazion utile pal doman, o ai conseât di smirâ no a une filologjie che e ridusi la furlanetât a museu, biblioteche o folclôr memoriâl ma ben che le fasi vivi in cumò te evoluzion cussiente di un orgoi costrutîf e inventîf di comugne. Tantis robis! Propuestis? Ve alore un concors di oratorie publiche par furlan ma ancje ben doprâ ogni ocasion comunâl par promovi un stîl ancje propit linguistic de udinesitât che al puedi fâ scuele e pocâ amirazion. Fiestonis civichis su riclam storic indulà che si incressin lis resons cussientis di un sens civic di union che al compuarte ancje – ancje dome passive – compartizion linguistiche di teritori. Po un furlan presint te vite dai cafês, di ostariis e buteghis, cun iniziativis comunâls in favôr di une profierte plurilengâl pai aventôrs, che e segni un puest di dirit ae “marilenghe”. E ancje, guidâ ai lûcs e aes memoriis de furlanetât di Udin e anzit di une identitât storiche citadine che e imbarcji dutis lis espressions, ancje chê (auto)coloniâl venetiche çavatine e chês di grup etnic storic todesc, slâf e italic-toscan. E un furlan presint in Consei comunâl tai intervents dai sorestants di ordenarie? Tantis robis. Cun sperance e fidance prof. Alberto Travain Coordenadôr dal Moviment Civic Culturâl Alpin-Adriatic ‘Fogolâr Civic’ + Dean dal Circul Universitari Furlan ‘Academie dal Friûl'”.